Ons Filosofie

Maar Jesus het die kindertjies geroep en gesê: “Laat die kinders na My toe kom en moenie hulle keer nie, want God is Koning oor mense soos hulle. Lukas 18:16 (ABA).  Klein Karaktertjies bestaan om kleuters te leer om hulle identiteit in Jesus - en sy plan vir hulle lewe - te vind, sodat hulle geestelik, akademies, sosiaal en emosioneel in hulle Koningkryksdoel kan ontwikkel. 

Ons personeel skep intensioneel 'n koesterende geesvervulde ruimte om die verwondering en verkenning van hul kinderjare te beskerm waar hulle in veiligheid en in Sy teenwoordigheid eienaarskap, verantwoordelikheid en onafhanklikheid kan leer. Sy Woord is ons riglyn en maatstaf vir die oprigting van die volgende Jesus-generasie.

As kleuterskool begin ons elke dag in die teenwoordigheid van die Here, en stel Hom eerste deur Hom in ons akademiese dag te verwelkom. Ons glo dat wanneer ons in Sy teenwoordigheid beweeg ons die waardes van die kleuterskool soos aanbidding, uitnemendheid, 'n sterk werketiek, integriteit, en nederigheid sal sien.

Ons Ligging >                    Live Stream >